Wiktionary:Wikimedia
Wikimedia Foundation Inc. er paraplyorganisasjonen til fleire wikiprosjekt: Wikipedia, Wiktionary, Wikiquote, Wikibooks, Wikisource, In Memoriam 9/11, Wikimedia Commons, Wikispecies, Wikinews og den tidlegare Nupedia. Wikimedia er ein frivillig organisasjon som er danna etter lovene i Florida. Han vart formelt annonsert den 20. jun 2003 av Jimmy Wales, ein av skaparane til Wikipedia [1].
Målet til stiftinga er å utvikle og vedlikehalde wikibaserte prosjekt med ope innhald og å gjere desse gratis for brukarar. I tillegg til Wikipediaprosjekt på fleire ulike språk styrer organisasjonen òg med ei fleirspråkleg ordbok, Wiktionary, ei sitatordbok, Wikiquote, ei samling kjeldetekstar på fleire språk, Wikisource, og frie elektroniske bøker særs egna for studentar, Wikibooks.
Wikimediaprosjekta er hovudsakleg avhengige av doneringar frå brukarar. Stiftinga ynskjer òg å finne andre finansieringsmåtar, som statsstøtte eller sponsormiddel.