Skatoll

Venetiansk skatoll frå 1700-talet.

Skatoll (frå mellomalderlatin scatula, 'pengeskrin') er eit kombinasjonsmøbel med ein kommode nedst, eit rom dekt av ein klaff som kan slåast ned til bord i midten, og ein tilbaketrekt kommode med småskuffer øvst. Skatoll var moderne i barokktida som kombinerte skrive- og oppbevaringsmøbel, og dei er brukte heilt fram til vår tid.

Storslått utsmykka skatoll med løynde rom er ettertrakta bondeantikvitetar. I nyare tid har skatolla vore enklare bygde. I prinsippet minner skatollet om ein sekretær, men sistnemnde er gjerne nettare bygd.

Bakgrunnsstoff

• Store norske leksikon om skatoll

Kjelder

• «skatoll» i Store norske leksikon
• «skatoll» i Caplex
  Denne artikkelen er ei spire. Du kan hjelpe Nynorsk Wikipedia gjennom å utvide han.