Hjelp:Diskusjonsside
Kva er ei diskusjonsside?
[endre]Ei diskusjonsside er ei wikiside som inneheld diskusjonar om innhaldet i artikkelen diskusjonssida er knytt til. Om du ynskjer å sjå eller delta i diskusjonen rundt ei side trykkjer du på knappen «diskusjon» heilt øvst på sida. Når du er på diskusjonssida kan du trykke på lenka til venstre for diskusjonslenka for å komme tilbake til sida du diskuterer.
Kva kan ein nytte diskusjonssida til?
[endre]Diskusjonssider blir som regel nytta til å drøfte innhaldet i sida dei høyrer til. Slik skil ein ut det som ikkje nødvendigvis vil vera interessant for lesaren, men truleg for bidragsytarane eller dei som vil grava djupare.
Diskusjonssida kan òg brukast som ein form for metaside for sida den høyrer til; der ein kan ha gjeremålsliste, opplysningar ein ikkje veit kor passar inn, dårleg eller suspekt tekst og så bortetter.
Har du spørsmål eller kommentarar som du ikkje veit kor høyrer heime, eller du tykkjer treng eit vidare publikum kan du vitja samfunnshuset, som er eit ope debattforum for emne som er knytt både laust og fast til Wiktionary.
Brukarane sine eigne diskusjonssider
[endre]Som registrert brukar får du ei eiga brukarside som du finn ved å trykka på brukarnamnet ditt oppe til høgre på sida (dersom du ikkje har registrert deg, så kan du gjera det no). Brukarsida har òg ei tilhøyrande diskusjonsside som andre brukarar kan nytte til å diskutere med deg, eller gje deg meldingar. Diskusjonen er like open som alle andre sider, så om du ynskjer å diskutere privat bør du nytte epost eller andre kommunikasjonsmiddel.
Legge til ein kommentar
[endre]På diskusjonssida kan du nytte lenkja «endre» øvst på sida for å kunne deltaka i alle deler av sida, eller du kan bruka «[endre]» til høgre for den bolken du vil deltaka i. Du vil då få opp ein endringsboks akkurat som på andre sider der du kan deltaka i diskusjonen, eller legga inn nytt innlegg.
Trykker du på plussteiknet oppe til høgre for «endre», lagar du automatisk ein ny bolk som vert plassert nedst på sida.
Tips
[endre]- For at diskusjonssidene skal vera så oversiktlege som mogleg er, bør du leggje til nye kommentarar nedst på sida. Då vert det lettare for lesarar å følgje diskusjonen kronologisk.
- Når du har skrive eit innlegg bør du signere det ved å skrive ~~~~ heilt til slutt i innlegget, dette kan du òg få lagt inn ved å trykke på signatur-knappen øvst i endringslina. På den måten vert innlegget ditt signert med brukarnamn (eller ip-adresse) og tidspunkt – og det vert lettare for lesarar å følgje diskusjonen.
- Dersom du svarar på eit innlegg vil det vera lettare å skilja svaret frå det du svarer på ved å leggja inn eit innrykk. Det gjer du ved å skriva kolon (":") føre innlegget. Fleire kolon gjev lengre innrykk.
- Ver open, blid og imøtekommande. Wiktionary kan vera skriven av personar med svært skilde syn på forskjellige saker og ting. Det er viktig å vere open for andre synspunkt om vi skal oppretthalde eit godt – og opent miljø.
- Ikkje nøl med å seie frå om du tykkjer er feil, eller treng forbetrast.